Kahalagahan ng Akademikong Sulatin

        Kahalagahan ng Akademikong Sulatin

     Ang akademikong sulatin ay isang masinop at sistematikong sulatin ukol sa isang karanasang panlipunan na maari pang maging batayan ng marami pang pag aaral na magagamit sa pagtaguyod ng lipunan. Ang karaniwang estrutura ng isang akademikong sulatin ay may simula na naglalaman ng introduksyon, gitna na naglalaman ng paliwanag at wakas na naglalaman ng resolusyon, konklusyon at rekomendasyon.

     Sa panahon natin ngayon nalilimutan na natin kung papaano nga ba ang wastong pagsulat ng akademikong sulatin kung kaya't nahihirapan tayo sa pagsulat ng mga ito. Mahalagang matutunan ang kahalagahan, kalikasan at katangian ng akademikong sulatin upang magkaroon ng sapat na kaalaman kung papaano nga ba ang wastong pagsulat ng mga ito. Kung ikaw ang manunulat maihahayag mo nang maayos ang nais mong iparating sa mga babasa nito.

     Marapat lamang na pag aralan at magkaroon ng sapat na kaalaman kung papaano ang pagsulat nito. Papaano na lamang kung hindi tayo maalam sa pagsulat ng akademikong sulatin? Maaaring hindi natin maihahayag ng wasto ang ating sarili sa paraan ng pagsulat at maaari din na hindi ito madaling mauunawaan. Kung kaya't dapat nating aralin ito.


Mary Michellyn Ilustre

Kahalagahan ng Sulatin

          Ang akedemikong sulatin ay isang intelektwal na pagsulat. Ito ay nakakatulong sa pag papataas ng ng kaalaman sa mga bagay-bagay. Mahalaga na ang impormasyon na nakuha ay maasahan at tanging katotohanan lamang abg naiihayag. Ito ay isang makabuluhang pag sasalaysay kung saan sumasalamin ang reaksyon at opinyon ng manunulat. Mahalaga rin na ang mga ideyang nakuha ay hindi ginaya o kinuha mula sa ibang manunulat.

         Mahalagang matutunan ang akademikong sulatin dahil ito ay makakatulong sa pagpapalawak ng kaalaman. Mahalaga rin ang pag sasaayos ng akademikong sulatin tulad ng rekomendasyon upang hindi ka maging isang magnanakaw ng sulatin. Ito ay hindi ginagamitan ng mga balbal na salita, dahil ito ay isang pormal na sulatin. Ang akademikong sulatin ay mga bagay na natututunan sa paaralan. Dito pinapalawak nila ang pang unawa at kaalaman base sa asignaturang itunuturo. Natututo rin tayong magsaliksik upang mapalalim pa at mas maunawaan ang isang bagay at malaman ang katotohanan ukol dito.

         Hindi sapat na sabihin na alam natin ang isang bagay, kung wala itong tama at maasahang impormasyon. Huwag lamang tayo bumase sa iisang impormasyon. Dapat din tayong manaliksik upang mas mapalalim natina ng ating kaalaman. Marami pang kahulugan ang mga bagay-bagay, kung kaya't mas magandang humanap pa ng ibang impormasyon mula sa iba't-ibang manunulat. Ang akademikong sulatin ay isang pormalnsa sulatin, ito ay mahalagang uri ng pagsulat, dahil ang sulating ito ay tanging katotohanan lamang ang nilalaman.




~Cedrick John T. Vitto